0
19
Փտր 2018
Հետիոտն երկարատև անցումների ժամանակ ուսապարկը հանդերձանքի կարևոր տարրերից է:
Այն նախատեսված է տարբեր իրերի, բեռների տեղափոխման և արտաքին ազդեցությունից դրանց պահպանման համար: Ուսապարկով աշխատանքի հարմարության համար անհրաժեշտ է պահպանել նրա մեջ իրերի և բեռների դասավորման և տեղափոխման հետևյալ կանոնները. ուսապարկի համալրման ժամանակ ծանր, կոշտ առարկաներն անհրաժեշտ է դասավորել հատակին, իսկ փափուկ և թեթև առարկաները` մեջքի կողմից:
Ուսապարկը պետք է հարմարեցնել այնպես, որ դրա ստորին եզրագոտիները հարմար նստեն գոտկատեղին: Ծանր բեռներ տեղափոխելու դեպքում ուսափոկերի տակ անհրաժեշ է դնել որևիցե փափուկ նյութից պատրաստված բարձիկներ:
Ուսապարկերը լինում են փափուկ և կոշտ կառուցվածքի:
Կոշտ կամ հաստոցային կառուցվածքի ուսապարկերը հարմար են մինչև 30 կգ բեռներ տեղափոխելու համար:
Ձմռանը, հատկապես լեռնային պայմաններում աշխատելու ժամանակ, 30-ից ավելի կիլոգրամ բեռ մեծ տարածքներ տեղափոխելիս հարմար է փափուկ ուսապարկը, որը միաժամանակ տաք թիկնաշորի դեր է կատարում:
Ծանր ուսապարկը հագնելու համար անհրաժեշտ է ընկերոջ օգնությունը: Նման ուսապարկով շարժվելու ժամանակ պետք է քայլել զգույշ, որովհետև վերջինիս շարժը մեջքի վրա կբերի հավասարակշռության խախտման և կարող է վայր ընկնելու պատճառ դառնալ:
Ուսապարկը չի կարելի գցել բարձունքից, թողնել անձրևի տակ կամ խարույկի մոտ:
Ուսապարկ