Նախօրոք պատրաստվում ենք ցրտին

Ցրտին արշավելը բարդ է: Ցերեկը դեռ ոչինչ. քայլելիս, այն էլ ուսապարկով, տաք է լինում, իսկ արևի տակ շոգ է լինում նույնիսկ ձմռանը: Իսկ գիշերը վրանում սկսում է ցրտել. և չես կարողանում քնել, դողում ես և րոպեներն ես հաշվում մինչև լուսաբացը: Սակայն, կան ստուգված միջոցներ, որոնք կօգնեն տաքանալ վրանում և նորմալ քնել, նույնիսկ եթե դրսում սառնամանիք է: Պատմում ենք, թե ինչպես նախօրոք պատրաստվել ցրտին և ինչ անել, եթե դուք մեկնել եք ամառային արշավի, սակայն հայտնվել եք ձների մեջ:

Եթե դուք պատրաստվում եք արշավի մեկնել ձմռանը կամ անցումային սեզոններին, ապա հարկավոր է ճիշտ պատրաստվել  և ճիշտ հանդերձանք ընտրել: Ճիշտ – նշանակում է հարմար կոնկրետ պայմանների համար: Ուսումնասիրեք տեղի եղանակը, հատկապես գիշերային ջերմաստիճանները և քամու առկայության հավանականությունը: Եթե լեռ եք բարձրանում, անպայման հաշվի առեք բարձրությունը, որպեսզի հետո չզարմանաք, թե ամռանը որտեղից ձյուն: Միայն դրանից հետո ընտրեք հագուստը և հանդերձանքը:

Նաև հարմար քնապարկ և գորգիկ ընտրեք

Սա առաջին և կարևոր պայմանն է: Քնապարկը և  տուրիստական գորգը պետք է համապատասխանեն արշավային պայմաններին, իսկ եթե արշավը ենթադրվում է անկանխատեսելի եղանակներին, ապա ավելի լավ է որոշակի պաշար հաշվի առնել:

Քնապարկի հարմարավետ ջերմաստիճանը պետք է առնվազն 5-10 աստիճանով ցածր լինի տեղանքում սպասվող ջերմաստիճանից: Այսինքն, եթե աշնանը դուք արշավում եք դեպի ցածր լեռնային գոտիներ կամ պատրաստվում եք հանգստանալ անտառում, որտեղ թեթև ցրտեր են սպասվում, ապա ձեզ հետ քնապարկ վերցրեք՝ նախատեսված 0-ից ցածր աստիճանի համար: Բարակ տուրիստական մատրասը ցածր ջերմաստիճանների համար չէ, այն արագ է սառչում: Ձմեռային կամ միջսեզոնային արշավների ժամանակ ավելի լավ է ունենալ հաստ փրփրային գորգ կամ 4-սեզոնային ինքնափչվող գորգ. դրանք ապահովում են լավ ցրտադիմակունություն և հարմարավետություն:

Երբեք մի ընտրեք քնապարկ էքստրեմալային ջերմաստիճանի: Դա այն ջերմաստիճանն է, որի դեպքում դուք չեք սառչի, բայց չեք էլ կարողանա քնել:

Կիրառեք տաք ներդիր

Եթե որևէ պայմաններով տաք քնապարկ չի ստացվում ձեռք բերել, վերցրեք ինչ կա + ներդիր քնապարկի համար: Այն կարող է լինել բարակ, բամբակյա կամ մետաքսյա, կամ էլ հաստ՝ ֆլիսից կամ որևէ այլ սինթետիկ տաքացուցիչներից, ինչպես, օրինակ, Thermolite: Առաջինները կիրառվում են բացառապես հիգիենայի պահպանության համար՝ քնապարկը չկեղտոտելու համար: Իսկ ավելի տաք ներդիրները զգալիորեն բարձրացնում են հարմարավետության ջերմաստիճանը՝ հենց նյութի շնորհիվ և լրացուցիչ օդային շերտի հաշվին՝ ներդիրի և քնապարկի միջև:

Իրար միացրեք երկու քնապարկեր

Ցանկալի է, որպեսզի այս միջոցի համար կիրառվեն միևնույն մոդելի քնապարկեր: Սակայն, փորձը ցույց է տալիս, որ կարելի է իրար միացնել նաև տարբեր մդելների քնապարկեր: Կարևորը, արշավից առաջ ստուգել, հնարավոր է դա, թե ոչ: Իսկ ընտանեկան զույգի համար, ովքեր միասին են արշավում ձմռանը, կարելի է ձեռք բերել երկտեղ քնապարկ և մեկընդմիշտ լուծել ցրտից պաշտպանվելու խնդիրը:

Եթե ցուրտը հանկարծակի է վրա հասել

Լինում է այնպես, որ պատրաստվում ես ամառային արշավի և հանկարծակի ցուրտն է վրա հասնում: Իսկ դուք ձեզ հետ վերցրել եք միայն ամառային քնապարկ և բարակ տուրիստական գորգիկ: Այս դեպքում ստիպված եք տաքանալ, ինչպես կարող եք, այն ամենով, ինչ կա ձեռքի տակ:

Տաքացեք, մինչ քնապարկ մտնելը

Սա նշանակում է, որ պետք չէ պառկել քնելու մրսած, սառած վիճակում, այլապես չի հաջողվի քնապարկի մեջ արագ տաքանալ, կամ ընդհանրապես տաքանալ: Քնապարկը չի տաքացնում, այլ միայն պահպանում է մարմնի ջերմությունը, այդ պատճառով կարևոր է, որպեսզի այդ ջերմությունը շատ լինի: Մինչ քնապարկ մտնելը աշխատեք տաքանալ, ինչպես հնարավոր է: Տաքացեք խարույկի մոտ, մի քանի ֆիզիկական վարժություններ արեք դրսում, տաք թեյ խմեք:

Պառկեք քնելու հագուստով

Ոմանք կարծում են, որ քնապարկի մեջ առանց հագուստի քնելը ավելի տաք է պահում: Այս հարցը միանշանակ չէ, և գործնականում ամեն բան կախված է հարմարավետության ջերմաստիճանից և դրսում առկա ջերմաստիճանից: Եթե միայն տերմոհագուստով քնելը ձեզ համար ցուրտ է, ապա տաքացեք լրացուցիչ հագուստով: Ծավալուն իրերը՝ բաչկոնի նման, ավելի լավ է ոչ թե հագնել, այլ քնապարկի վրա գցել: Եթե քնի մեջ դուք շատ եք շրջվում այս ու այն կողմ, ապա բաճկոնը ավելի լավ է գցել անմիջապես ձեզ վրա քնապարկի ներսում, այլապես այն կսայթակի: Տաքացրեք մարմնի այն հատվածները, որոնք ավելի շատ են ենթարկվում ցրտին:

Տաքացրեք գլուխը

Սովորաբար, բոլորը տաքացնում են ոտքերը, իսկ գլխի մասին մոռանում են: Մինչդեռ մարդ գլխով նույնպես նույնպես մրսում է: Երբեմն բավական է լինում մի գլխարկ հագնել կամ տաք իր փաթաթել՝ տաքանալու համար:

Քնապարկը կտրեք ցուրտ գետնից: Եթե ցրտահարությունը հանկարծակի է վրա հասել, իսկ ձեր ձեռքի տակ առկա է միայն բարակ տուրիստական գորգ, ապա գորգի տակ փռեք ամեն ինչ՝ այն գետնից կտրելու համար: Եթե պարան ունեք, ապա ավելի լավ: Լեռնագնացները քնում են անմիջապես պարանի վրա: Շատ անհարմար է, բայց հաստատ չեք մրսի:

Շշից տաքացուցիչ պատրաստեք

Եթե ձեզ մոտ չկա հատուկ տաքացուցիչ, ապա դուք ինքներդ կարող եք այն պատրաստել՝ օգտագործելով սովորական շիշ: Դրա մեջ հարկավոր է տաք ջուր լցնել և դրեք այն քնապարկում: Եթե հնարավոր է, կարող եք նույնիսկ երկու այդպիսի տաքացուցիչներ պատրաստել՝ մեկը ոտքերի համար, մյուսը մեջքի և գոտկատեղի: Այդպիսի տաքացուցիչը պահպանում է ջերմությունը մի քաի ժամ, որից հետո այն ավելի լավ է վերցնել, քանի որ միջի ջուրը արդեն սառը կլինի:

Պլաստմասե շշի մեջ պետք չէ անմիջապես եռացող ջուր լցնել, քանի որ դրանից հետո շիշը ստիպված եք լինելու դեն նետել: Ավելի լավ է ջուրը չհասցնել եռալուն:

Աշխատեք դուրս չգալ վրանից

Ամեն անգամ վրանից դուրս գալուց կսառչեք և դուք, և վրանը, հատկապես եթե վրանի մուտքը տեղադրված է քամուն հակառակ ուղղությամբ: Այդ պատճառով առանց կարևոր հանգամանքի ավելի լավ է վրանից դուրս չգալ:

Շատ սնվեք

Արշավի ժամանակ պետք չէ մտածել կազմավածքի մասին։

Կալորիաները ուղղակիորեն կապված են ջերմության հետ, այլ ոչ թե ավելորդ քաշի: Ցուրտ արշավի ժամանակ ավելի լավ է սնվել բարձր կալորիականությամբ սնունդով՝ հարուստ ճարպերով և ածխածնով: Օրինակ, շոկոլադ, ընկուզեղեն և այլն: Ցրտի ժամանակ որոշ մթերքներ կարող են ցրտահարվել, այդ պատճառով լավ մտածեք սնունդի տեղակայման և պահպանման մասին արշավի պայմաններում:

Որքան հնարավոր է հաճախ տաք սնունդ օգտագործեք, քանի որ սառը սնունդը օրգանիզմից լրացուցիչ էներգիա է պահանջում այն տաքացնելու համար: Իսկ պետք է հակառակը լինի, սնունդը պետք է ձեզ տաքացնի, այլ ոչ թե հակառակը:

Կարելի՞ է վրանը տաքացնել այրիչով

Վրանների և այրիչների բոլոր արտադրողները ուղղակիորեն արգելում են դա, սակայն զբոսաշրջիկները միևնույնն է այդպես են տաքանում: Մենք նույնպես խորհուրդ չենք տալիս, սակայն, ամեն դեպքում, եթե կորոշեք չլսել և այդպես տաքանալ, գոնե հետևեք այս խորհուրդներին.

• Բացեք վրան բոլոր օդափոխության անցքերը. չօդափոխվող վրանում հեշտ է խեղդվել:
• Հետևեք կրակին և երբեք մի քնեք միացրած այրիչով:
• Օգտվեք միայն ստուգված ապրանքատեսակներից և մասամբ սպառված գազային բալոններից:
• Հիշեք՝ վրանի այրվում է ոչ ավել, քան մեկ րոպեյում:

Իհարկե, գործնականում, ամեն բան այնքան էլ վտանգավոր չէ, եթե պահպանեք անվտանգության բոլոր կանոնները: Կարևորը չմոռանաք վրանի օդափոխության մասին:

Այսպիսով, գիշերը վրանում չմրսելու համար լավագույն լուծումն է համապատասխան հանդերձանքի ընտրությունը: Քնապարկը և գորգը պետք է համապատասխանեն արշավի պայմաններին, այդ ժամանակ անհրաժեշտ չի լինի օգտվել լրացուցիչ, ոչ անվտանք միջոցներից: Սակայն, եթե ցուրտը հանկարծակի է վրա հասել, իսկ ձեզ մոտ միայն ամառային քնապարկ է – դուք գիտեք, ինչ պետք է անել: Եվ պետք է միշտ հիշել, որ տաքանալու համար հարկավոր չէ օգտագործել ալկոհոլ, լեռներում ալկոհոլ չեն օգտագործում: