0
17
Նյմ 2021
Ի՞նչ է թերմոհագուստը
Նախքան թերմոհագուստ ընտրելը եկեք պարզաբանենք, թե ի՞նչ է նշանակում «թերմոհագուստը» և ինչի համար է այն անհրաժեշտ:
Թող «թերմո» տերմինը Ձեզ շփոթության մեջ չգցի, քանի որ մարմինը տաքացնելու գործառույթը այս հագուստի գլխավոր նպատակը չէ: Հիմնական խնդիրը, որը լուծում է թերմոհագուստը՝ դա խոնավության հեռացումն է մարմնից և, որպես հետևանք, մարմնի անհրաժեշտ ջերմաստիճանային հավասարակշռության պահպանումը: Եվ, իհարկե, կախված նրանից, թե ինչքանով է ճիշտ ընտրված թերմոհագուստը, կախված է բարձր հարմարավետության զգացումը՝ սպորտով զբաղվելիս: Սակայն, անհրաժեշտ է հաշվի առնել շատ կարևոր մի պահ, թերմոհագուստը ճիշտ կաշխատի միայն երեք շերտերի կանոնի կիրառության դեպքում:
Հագուստի մեջ երեք շերտերի կանոնը կայանում է նրանում, որ հագուստն ընտրվում է այնպես, որ բոլոր շերտերը աշխատում են միմյանց հետ փոխհամագործակցության մեջ հետևյալ կերպ.
–Թերմոհագուստը՝ դա առաջին, հիմնական շերտն է, որը խոնավությունը դուրս է բերում մարմնից ապահովելով չորությունը, դրանով իսկ վերահսկելով ջերմափոխանակությունը: Թերմոհագուստի վրայից հարկավոր է հագնել երկրորդ, կամ այլ կերպ ասած, միջին շերտի հագուստը, որի խնդիրն է պահպանել ջերմությունը և փոխադրել խոնավությունը դեպի երրորդ շերտը: Որպես երկրորդ շերտ կարող են օգտագործվել տարբեր տեսակի ֆլիսային նյութեր կամ բնական և սինթետիկ նյութերի խառնուրդներ: Հագուստի երկրորդ՝ ջերմամեկուսացնող շերտից հետո գալիս է երրորդ՝ արտաքին շերտը, որի խնդիրն է պաշտպանել մարմինը վատ եղանակային պայմանների արտաքին ազդեցություններից, ինչպես նաև խոնավությունը հանել դուրս: Այս խնդիրների իրականացման համար կիրառվում են տարբեր թաղանթային նյութեր:
Որպեսզի հագուստի բոլոր շերտերը աշխատեն, անհրաժեշտ է դրանք ճիշտ ընտրել: Քանի որ, եթե մեկ շերտը չաշխատի, ապա այն կխանգարի մնացած բոլոր շերտերին,: Եվ թերմոհագուստը այս շղթայում շատ կարևոր տեղ է զբաղեցնում:
Թերմոհագուստը պատրաստում են հատուկ կտորներից ըստ հատուկ տեխնոլոգիաների: Որպեսզի թերմոհագուստը համապատասխանի վերը թվարկված բոլոր պահանջներին, այն պետք է ունենա գործվածքի հատուկ եռաչափ կառուցվածք և կտորի բաղադրություն: Որպես կանոն, թերմոհագուստը կտորն ունի բջիջային կառուցվածք, ընդ որում բջիջները, որոնք անմիջապես հպվում են մարմնին, դրանից հեռացնում են խոնավությունը, իսկ վերին բջիջները նպաստում են դրա առավելագույն բաշխմանը հագուստի մակերեսին և արագ գոլորշիացմանը՝ կապիլյարային արդյունքի հաշվին:
Թերմոհագուստը կարող է լինել միաշերտ, երկշերտ և ֆլիսային: Ճիշտ ընտրված թերմոհագուստը պետք է ձիգ հպվի մարմնին: Այլապես խոնավությունը չի հեռացվի, այլ կաթիլներ կստեղծի և կգլորվի մարմնի վրայով:
Թերմոհագուստի արտադրության մեջ կիրառվում են անկար տեխնոլոգիաներ կամ հարթ կարեր, որոնք ապահովում են հագուստի հարմարավետ հպումը մարմնին: Թերմոհագուստը հիմնականում կարում են սինթետիկ նյութերից: Բնական նյութերը (բամբակ, բուրդ) կիրառում են կամ ցուրտ եղանակների և ստատիկ ծանրաբեռնվածությունների համար նախատեսված մոդելների արտադրության ժամանակ, կամ ամենօրյա հագնելու համար:
Թերմոհագուստի բաղադրությունն ընտրելիս անհրաժեշտ է հաշվի առնել ակտիվության աստիճանը, օգտագործման ջերմաստիճանային պայմանները, ինչպես նաև օրգանիզմի ջերմակարգավորման սեփական յուրահատկությունները: Յուրաքանչյուր մարդու համար թերմոհագուստի ընտրությունն անհատական է, քանի որ յուրաքանչյուր ոք ունի ջերմափոխանակության, հարմարավետության իր աստիճանը և այլն: Թերմոհագուստը կարող է պատրաստված լինել սինթետիկ և բնական նյութերից:
Սինթետիկ նյութեր
Սինթետիկան հեռացնում է և չի կուտակում խոնավություն, իսկ չհեռացված խոնավության նվազագույն քանակը արագ գոլորշիանում է: Նաման թերմոհագուստը ավելի դիմացկուն է մաշվածության հանդեպ և շատ ավելի քիչ է ենթարկվում դեֆորմացիաների: Սինթետիկան չի նպաստում մանրէների բազմացմանը, որոնք քրտինքի հոտ են առաջացնում:
Հիմնական նյութերը՝ պոլիպրոպիլեն (PP), պոլիէսթեր (PES, Coolmax), պոլիամիդ (PA), պոլիակրիլ, էլաստան (Lycra), նեյլոն և այլն:
Պոլիպրոպիլեն
Պոլիէսթեր
Պոլիամիդ
Էլաստան
Թերմոհագուստ բնական կտորներից
Թերմոհագուստի համար օգտագործում են բամբակ, բուրդ և մետաքս: Բնական հյուսվածքների հատկությունները շատ կարևոր են և հաճախ՝ անփոխարինելի: Բնական հյուսվածքները ակտիվորեն կիրառվում են սինթետիկ նյութերի հետ համադրության մեջ:
Բամբակ
Բուրդ
Թերմոհագուստի բոլոր մոդելները տարբերվում են միմյանցից ըստ հետևյալ չափանիշների.
- Ձևվածք՝ սպորտային թերմոհագուստն ունի հյուսվածքի տարբեր հատվածներ, հատուկ ներդիրներ՝ առավել ձիգ և հստակ նստեցման համար։
- Ջերմաստիճանային չափանիշ՝, որքան բարձր է ակտիվության մակարդակը, այնքան բարձր են թերմոհագուստի խոնավահեռացնող հատկությունները։
- Բաղադրություն՝ բարձր ակտիվության և սպորտով զբաղվելու համար նախատեսված թերմոհագուստը, որպես կանոն, արտադրում են արհեստական նյութերից, առավել կայուն և հանգիստ վիճակների համար թերմոհագուստ արտադրելիս կիրառում են բնական նյութեր, օրինակ՝ բուրդ:
Ընտրել տարբերակ
This product has multiple variants. The options may be chosen on the product page
Արագ դիտում
Ընտրել տարբերակ
This product has multiple variants. The options may be chosen on the product page
Արագ դիտում
Ընտրել տարբերակ
This product has multiple variants. The options may be chosen on the product page
Արագ դիտում
Ձմեռային մարզաձևերի համար, ինչպես օրինակ՝ լեռնային դահուկասահքը և սնոուբորդը, հարմար կլինեն պոլիէսթերային թերմոհագուստի տարբերակները՝ բնական և արհեստական նյութերի տարբեր հավելումներով: Ակտիվության այս տեսակի յուրահատկությունը կայանսում է նրանում, որ հաջորդաբար իրար են փոխարինում ինտենսիվ ծանրաբեռնվածության վիճակները և առավել կայուն, ստատիկ վիճակները: Այդ պատճառով այս պայմաններում կարևոր է, որպեսզի թերմոհագուստը ոչ միայն հեռացնի խոնավությունը, այլև պահպանի մարմնի ջերմությունը:
Դահուկավազքով զբաղվելու համար անհրաժեշտ է, որպեսզի թերմոհագուստը օժտված լինի բարձր խոնավահեռացնող հատկություններով: Այս պարագայում հարմար կլինի օգտագործել պոլիպրոպիլենից պատրաստված թերմոհագուստ։
Ձմեռային ամիսներին որսով և ձկնորսությամբ զբաղվելու համար իդեալական տարբերակ է բրդյա թերմոհագուստը՝ էլաստանի ավելացմամբ: Տարբեր զբոսաշրջային արշավների համար ընտրությունը պետք է կանգնեցնել սինթետիկ կտորների վրա, քանի որ մի քանի օրերի ընթացքում մշտական կրելու դեպքում այն կապահովի անհրաժեշտ հարմարավետությունը, ջերմությունը և կպահպանի հիգիենիկ հատկությունները:
Եթե դու՛ք թերմոհագուստ եք ընտրում ամենօրյա կրելու համար, առանց ակտիվ շարժումների և զբաղմունքների, ապա հարմար կլինի թերմոհագուստի ցանկացած տարբերակ բնական նյութերից կամ պոլիէսթերից: Կարևորն այն է, որպեսզի այն հարմարավետ լինի կրել և չառաջացնի որևէ ալերգիկ ռեալցիաներ:
Ինչպե՞ս ճիշտ խնամել թերմոհագուստը
Թերմոհագուստի ճիշտ խնամքի վերաբերյալ տարբեր կարծիքներ կան, միաժամանակ, միակ ճիշտ խորհուրդն է՝ հետևեք արտադրողի հրահանգներին: Սովորաբար, հագուստի վրա առկա է լինում մի պիտակ, որի վրա նշված է, թե ինչպե՞ս լվանալ, չորացնել և պահպանել հագուստը, որպեսզի այն երկար ծառայի և չկորցնի իր ֆունկցիոնալությունը:
Ճիշտ ընտրված թերմոհագուստը թույլ կտա լիարժեք կերպով հաճույք ստանալ տարբեր տեսակի ակտիվություններից, իսկ դրա ճիշտ խնամքը թույլ կտա մի քանի անգամ երկարացնել դրա շահագործումը:
Թերմոհագուստ. Ինչո՞վ է տարբերվում և ինչպե՞ս ընտրել