Camp.am

Սկսենք նրանից, որ թաց ոտքերը արշավի ժամանակ – դա նորմալ է: Հաճախ է պատահում, որ արշավի ժամանակ ոտքն ընկնում է ջրի մեջ, կամ էլ ընդհանրապես մինչև ծնկները հայտնվում ես գետի մեջ: Պետք չէ դրանից վախենալ, սակայն պետք է դրան պատրաստ լինել հոգեպես: Այս նյութի մեջ մենք կուսումնասիրենք արշավի ժամանակ կոշիկները չորացնելու մի քանի եղանակներ:

Առաջինը, ինչ պետք է անել – մաքրել կոշիկները ցեխից և հեռացնել ավելորդ խոնավությունը կլանման եղանակով: Որպես կլանիչ միջոց կարելի է օգտագործել գուլպաները: Գուլպայով ոտքին հագցրեք կոշիկը, գուլպան ներծծում է խոնավությունը, հանեք, քամեք և նորից կրկնեք: Գուլապները պարբերաբար կարելի է չորացնել վառարանի վրա: Այս պարագայում պետք է հիշել բաց կրակի օգտագործման անվտանգության կանոնների պահպանման մասին:

Գուլապներից շատ ավելի լավ միջոց կարող է հանդիսանալ հատուկ ցամքոցը միկրոֆիբրից: Այն կոմպակտ է, թեթև է և հիանալի ներծծում է խոնավությունը հաշված վարկյանների ընթացքում: Ցամքոցը ցանկացած պարագայում անհրաժեշտ կլինի արշավի ժամանակ, և չորանում է այն գուլպաներից ավելի արագ:

Խոնավությունը հիանալի է ներծծում նաև անձեռոցիկը: Լավագույն արդյունքի հասնելու համար կարելի է օգտագործել զուգարանի թուղթը: Միայն թե չմոռանաք հաշվարկել դրա անհրաժեշտ քանակությունը ամբողջ խմբի համար:

Եթե դուք գտնվում եք անտառում, ապա թրեքինգային կոշիկները կարելի է չորացնել չոր մամուռով: Այն ներծծում է խոնավությունը սպունգի նման:

Կոշիկները չորացվում են առանց միջատակերի և ներբանների, և այս կանոնը համընդհանուր է բոլոր եղանակներով չորացման համար: Միջատակերը պահում են խոնավությունը և երկարացնում են չորացման ժամանակահատվածը, այդ պատճառով դրանք ավելի հարմար է չորացնել կոշիկներից հանած վիճակում: Ներբաններն իրենց հերթին պարզապես շատ են խանգարում չորացման ընթացքում :Այնուհետև, մենք առաջարկում ենք արշավի ժամանակ կոշիկները չորացնելու 10 եղանակներ: Դրանցից կարելի է ընտրել մեկը կամ համադրել մի քանիսը:

1. Ինչպե՞ս չորացնել թրեքինգային կոշիկները խարույկի մոտ: Սկսենք առաջին և ամենատրամաբանական եղանակից: Այս եղանակը ոչ միայն ամենահայտնին է, այլև ամենավտանգավորը՝ որքա˜ն զբոսաշրջիկների է այն թողել առանց կոշիկների: Միանգամից ասենք, որ մենք դեմ ենք այս եղանակին, որքան էլ զգույշ դա իրկանացվի: Ոչ բոլոր թրեքինգային կոշիկներն է կարելի չորացնել խարույկի մոտ: Ժամանակակից նյութերից շատերը բոլորովին չեն տանում բարձր ջերմաստիճաններ: Թաղանթային կոշիկները կարող են ամբողջովին կորցնել իրենց որակները, այդ պատճառով դրանք խորհուրդ է տրվում չորացնել բարձր ջերմաստիճանից հեռու:Ի՞նչ կլինի թրեքինգային կոշիկների հետ՝ խարույկի մոտ չորացնելու պարագայում: Ձեր կոշիկները կարող են «նստել», և դուք պարզապես չեք կարողանա հագնել այն ոտքին: Կոշիկները կարող են տեղ-տեղ այրվել խարույկի բոցերից, որոնք հեշտությամբ անցքեր են բացում սինթետիկ կտորի վրա: Կոշիկն ամբողջովին կայրվի, եթե դուք, զրույցի բռնվելով ընկերոջ հետ, երկար ժամանակ թողեք այն առանց ուշադրության:Իսկ եթե ամեն դեպքում դուք որոշել եք կիրառել խարույկի մոտ կոշիկների չորացման մեթոդը, անհրաժեշտ է հիշել մի քանի կանոնների մասին:

• Խարույկի մոտ կոշիկները չորացնում են ձեռքերի մեջ, այլ ոչ թե հարմարեցնում են այն կրակի կողքին՝ քարերի կամ փայտերի վրա: Քաին որ անհրաժեշտ է հաշվի առնել, որ ցանկացած քամու շարժում կամ խարույկի կրակի ուժգնացում կթողնեն ձեզ առանց կոշիկների:
• Կոշիկները պետք է պահել այնպիսի հեռավորույան վրա կրակից, որպեսզի միաժամանակ ձեռքերը չայրվեն:
• Առավել արդյունավետ է չորացնել կոշիկները, ուղղելով դրանց բաց վզիկի հատվածը դեպի ջերմության աղբյուրը:

Այս կանոնների պահպանման դեպքում առանց կոշիկների մնալու ռիսկը նվազում է: Այնուամենայնիվ, հարկավոր է լավ մտածել այս մեթոդին դիմելուց առաջ, չէ որ քայլել թաց կոշիկներով շատ ավելի լավ է, քան քայլել ընդհանրապես առանց կոշիկների:

2. Կոշիկները կարելի է չորացնել արևի տակ կամ քամու օգնությամբ: Սա կոշիկները չորացնելու ամենաանվտանգ եղանակներից մեկն է: Եթե թաց արշավից հետո բնությունը որոշել է ուրախացնել ձեզ լավ եղանակով, ապա բավական կլինի քանդել կոշիկների ներբանները և տեղադրել դրանք արևոտ մի տեղում, իսկ արևը ձեր փոխարեն կանի ամբողջ աշխատանքը: Այս միջոցը ձեզ հնարավորություն է տալիս չհետևել կոշիկներին և զբաղվել ձեր գործերով: Բացի այդ, արևը գրեթե չի վնասի ձեր կոշիկներին: Միակ խնդիրը, որի շուրջ կարելի է անհարնգստանալ այս պարագայում, այն է, որ արևի և ստվերի դիրքերի փոփոխությունները օրվա ընթացքում: Րոպեներ առաջ արևի տակ գտնվող կոշիկները կարող են հայտնվել ստվերում, այդ դեպքում դրանց չորանալու հավանականությունը զգալիորեն նվազում է: Հարկավոր է հիշել, որ եթե ձեր արշավը անցնելու այն վայրերով, որտեղ բնակվում են բազմատեսակ թունավոր կենդանիներ, նման չորացումներից հետո կոշիկները հարկավոր է ուշադիր ստուգել, որպեսզի ոչ մի թունավոր արարած չլինի կոշիկի ներսում: Օրինակ, կարիճներ կամ թունավոր սարդեր, որոնք սիրում են կոշիկի ստվերը:

3. Կոշիկների չորացում ինքներդ ձեր վրա: Չորացման այս եղանակը նույնպես գործում է անվտանգ : Բավական է կոշիկից դուրս թափել կուտակված ջուրը, քամել ներդիրները և գուլպաները և նորից հագնել կոշիկը: Մարմինը, որը տաքացել է ֆիզիկական աշխտանքի արդյունքում, հիանալի «մարտկոց» է դառնում և ժամանակի ընթացքում չորացնում է խոնավ կոշիկները: Հենց այս մեթոդն է կիրառում հոդվածի հեղինակը ամառային արշավների ժամանակ: Իհարկե, այս միջոցը ավելի լավ է չկիրառել ցածր ջերմաստիճանների դեպքում՝ վերջույթների ցրտահարում չստանալու համար:
4. Ինչպե՞ս չորացնել արշավային կոշիկները քարերի օգնությամբ: Այս եղանակի համար անհրաժեշտ են մանր քարեր, որոնք դասավորվում են մետաղական տարրայի մեջ և տեղադրվում կրակին: Երբ քարերը լավ տաքանում են, դրանք հարկավոր է շրջել կոշիկների մեջ: Եթե դուք վախենում եք աղտոտել կոշիկները ներսից, ապա քարերը կարելի է թափափել որևէ կտորի մեջ, նոր տեղադրել: Քարերով կոծիկը պետք է հաճախակի և բավականին ակտիվ կերպով թափահարել, որպեսզի քարերը մշտապես տեղաշարժ լինեն: Կարևոր է, որպեսզի քարերը երկար ժամանակ չգտնվեն նույն դիրքում և նույն տեղում, այլապես դրանք կարող են փչացնել կոշիկը: Երբ քարերը սառչեն, կարելի է կրկնել գործողություններն այնքան ժամանակ, մինչև կոշիկը չորանա: Այս միջոցը շատ գործուն է և թույլ է տալիս մի քանի տասնյակ րոպեների ընթացքում չորացնել նույնիսկ շատ թաց կոշիկները: Սակայն, պետք է հաշվի առնել, որ բարակ սինթետիկ ներդիրներով և թաղանթով կոշիկների համար այս միջոցը հարմար չէ – քարերը պարզապես կհալեցնեն նուրբ սինթետիկան:
5. Կոշիկները չորացնում ենք ավազով: Այս միջոցի համար անհրաժեշտ է ավազ: Այն պետք է լցնել մետաղական տարրայի մեջ և այն տեղադրել կրակի վրա: Դրանից հետո տաքացած ավազը պետք է լցնել գուլպայի կամ որևէ այլ պարկի մեջ, այնուհետև տեղադրել այն կոշիկի մեջ: Այսպիսի ավազային տաքացուցիչը հիանալի կերպով չորացնում է կոշիկը, քանի որ զբաղեցնում է դրա առավելագույն մակերեսը: Լավագույն արդյունավետության համար գործողությունները կարելի է կրկնել մի քանի անգամ:
6. Չորացում ջրային տաքացուցիչով: Այս եղանակի համար անհրաժեշտ են երկու կես լիտրանոց շշեր: Շշի մեջ ենք լցնում եռացրած ջուր, ինչից հետո շշերը տեղավորում ենք կոշիկների մեջ: Այս միջոցը բավականին երկար ժամանակ է պահանջում, քանի որ ջուրը բավականին շուտ է սառչում, և որպեսզի կոշիկները չորանան, տաքացուցիչը ստիպված եք լինելու մի քանի անգամ լցնել եռացրած ջրով:
7. Ինչպե՞ս չորացնել կոշիկները քնապարկի մեջ: Այս եղանակը հարմար կլինի ամենախիստ զբոսաշրջիկների և լեռնագնացների համար: Թաց կոշիկները տեղադրվում են անմիջապես քնապարկի մեջ և չորանում են նույնպես մարդու մարմն ջերմության հաշվին: Սա ավելի շուտ չորացման էքստրեմալ եղանակ է, չէ որ հարմարավետ քնի մասին կարելի է մոռանալ, երբ քնապարկի մեջ են տեղադրված թաց կոշիկները:
8. Կոշիկների չորացման դասական եղանակ թերթերի օգնությամբ: Չորացումը թերթերով – հայտնի և ամենուրեք կիրառվող եղանակ է դեռևս մեր տատիկների ժամանակներից: Մինչ այժմ էլ որոշ զբոսաշրջիկներ իրենց պարկերի մեջ թերթեր են պահում կոշիկները չորացնելու համար: Թերթն իսկապես շատ լավ ներծծում է խոնավությունը և կարող է չորացնել խոնավ կոշիկները, անհրաժեշտ է միայն բավականաչափ թերթ տեղադրել կոշիկի ներսում: Սակայն այս եղանակի թերությունն ակնհայտ է՝ թերթի ավելորդ ծանրությունը ուսապարկի մեջ: Ակնհայտ է, որ այնքան էլ ռացիոնալ չէ մեծ քանակությամբ թերթեր վերցնել՝ արշավ գնալիս: Որոշ դեպքերում թերթը կարելի է փոխարինել որևէ չոր և ներծծող բնական միջոցով, որը կարելի է գտնել անմիջապես արշավի ժամանակ, օրինակ չոր տերևներ, խոտ կամ մամուռ:
9. Չորացնում ենք կոշիկները աղային տաքացուցիչներով և ջերմարձակիչներով: Ջերմարձակիչները և աղային տաքացուցիչները օգտագործվում են այն բանի համար, որպեսզի տաքանան սառած ձեռքերը, սակայն դրանք հիանալի կերպով կլուծեն նաև խոնավ կոշիկների խնդիրը: Գոյություն ունեն նաև տաքացուցիչների հատուկ մոդելներ ներդիրի տեսքով: Սովորաբար, ջերմարձակիչները – դա փոքր պարկեր են, որոնց լցված են քիմիական բաղադրությամբ: Ռեակցիայի մեջ մտնելով թթվածնի հետ, այդ բաղադրությունը ջերմություն է արձակում: Թերությունը կայանում է նրանում, որ ջերմարձակիչները նախատեսված են մեկանգամյա օգտագործման համար, այդ պատճառով այնքան էլ պրակտիկ չեն: Աղային տաքացուցիչները իրենց հերթին սովորաբար իրենցից ներկայացնում են սիլիկոնե տարրա, որը լցված է գերհագեցած աղի լուծույթով, որի ներսում լողում է փոքր մետաղյա տարր: Հենց այս տարրն է «գործի դնում» տաքացուցիչը – բավական է միայն մի փոքր թեքել այդ տարրը, և աղային լուծույթը դուրս է գալիս հավասարակշռության վիճակից, սկսվում է բյուրեղացման գործընթաց: Այդ ընթացքում ջերմություն է արձակվում: Այսպիսի «բյուրեղացված տաքացուցիչը օգտագործվելուց և սառչելուց հետո կարելի է տաս րոպեյով տեղադրել եռացած ջրի մեջ և այն նորից կվերադառնա իր նախքին վիճակին և պատրաստ կլինի կրկնակի օգտագործման: Նման տաքացուցիչը բազմանգամյա օգտագործման համար է, ինչի հաշվի այդ լիցքավորող տարրը էապես շահում է, ի տարբերություն ջերմարձակիչներին: Սակայն դա նույնպես ավելորդ ծանրություն է ձեր ուսապարկում:

10. Կոշիկների չորացում սիլիկոնե գելով: Զբոսաշրջության մեջ այս եղանակը բավականին հազվադեպ է կիրառվում, սակայն այն ևս հարկավոր է ներգրավել ցուցակի մեջ՝ ամբողջականության համար: Այս դեպքում խոնավությունը հեռացվում է կոշիկից սիլիկոնե գելի օգնությամբ: Ամենայն հավանականությամբ, այս նյութը ծանոթ է ձեզ փոքր թղթե պարկերի տեսքով թափանցիկ գնդիկներով, որոնք տեղադրված են լինում նոր կոշիկների տուփերի մեջ: Այս դեպքում սիլիկոնե գելի խնդիրն է ներծծել ավելորդ խոնավությունը և թույլ չտալ կոշիկներին խոնավանալ: Սովորաբար այս պարկերի վրա գրված է լինում «գցել աղբարկղը: Չօգտագործել սննդի մեջ: Սակայն զբոսաշրջիկները կատարում են այս հրահանգներից միայն երկրորդը՝ պարկերը պահելով արշավային նպատակների համար: Իհարկե, բոլորովին պարտադիր չէ փորձել կուտակել սիլիկոնե գելի անհրաժեշտ քանակություն՝ կոշիկներ անիմաստ գնելով: Այս նյութը ցանկացած քանակությամբ կարելի է գնել ինտերնետի միջոցով կամ նույն կոշիկի խանութներում: Սակայն, իսկապես թաց կոշիկները շատ դժվար կլինի չորացնել սիլիկոնե գելի օգնությամբ: Նաև այսպիսի չորացումը բավականին երկար ժամանակ է պահանջում:

Ի՞նչ է ասում կոշիկների չորացման մասին արտադրողը: Դիմենք կոշիկի արտադրողների խորհուրդներին այն բանի մասին, թե ինչպես է ավելի ճիշտ չորացնել կոշիկները արշավի և տան պայմաններում: Արտադրողների մեծ մասը խնամքի հրահանգներում նշում են, որ նույնիսկ ուղիղ արևային ճառագայթները կարող են վնասել կոշիկներին, չենք խոսում էլ խարույկի մոտ չորացման մասին կամ էլ տաք քարերի օգնությամբ: Նրանք խորհուրդ են տալիս չորացնել կոշիկները քամու օգնությամբ: Արտադրողների մի մասը խորհուրդ չի տալիս արագացնել չորացման գործընթացը: Յուրաքանչյուր զբոսաշրջիկ գտնում է իր հավասարակշռված վիճակը և ընտրում է իր համար ամենահարմար չորացման եղանակը:

Գոյություն ունի ևս մեկ խորհուրդ. գնեք որակյալ թրեքինգային կոշիկներ, որը առավել հարմար է արշավների պայմանների համար: Ցուրտ և խոնավ պայմաններում հանդերձանքի որակից է կախված ոչ միայն հաճույքը հենց արշավից, այլև ձեր առողջությունը, որոշ դեպքերում նույնիսկ կյանքը: