Տուրիստական գորգի տեսակները

Բոլոր ժամանակակից զբոսաշրջային գորգերը (որոնք նաև կոչվում են «իզոմատներ կամ կարիմատներ ») կարելի է բաժանել երեք հիմնական խմբերի.

    Ինչպե՞ս ընտրել տուրիստական ինքնափչվող գորգ

Տուրիստական գորգ, որը իդեալական կլիներ օգտագործել յուրաքանչյուր տեղանքում գոյություն չունի: Այդ պատճառով գորգի ընտրության ժամանակ անհրաժեշտ է, որպեսզի յուրաքանչյուր զբոսաշրջիկ իր համար ընտրի օպտիմալ տարբերակ, հաշվի առնելով հետևյալ  բնութագրությունները․

                                   Տուրիստական գորգերի ջերմամեկուսացումը

Ջերմամեկուսացումը – ամենակարևոր գործառույթն է, որը ապահովում է ցուրտ եղանակային պայմաններում: Մրսելը քնի ժամանակ ամենահեշտն է – մարմնի ջերմաստիճանն այդ պահին ընկնում է, և ռիսկի խմբում են հայտնվում նույնիսկ ամենադիմացկուն մարդիկ: Այդ պատճառով ընտրության ժամանակ միշտ հաշվի են առնում արտադրողի կողմից առաջարկված գորգի սեզոնային օգտագործումը: Արտադրողներն իրենց տուրիստական գորգերը բաժանում են 3-սեզոնայինի (գարուն-ամառ-աշուն) և 4-սեզոնայինի (կլոր տարի): Ընդորում, հաշվի է առնվում յուրաքանչյուր տարածաշրջանի կլիմայական առանձնահատկությունները:
Երկու տարբեր գորգերի ջերմամեկուսացող հատկությունները համեմատելիս՝ առաջնորդվեք R-Value ցուցանիշով – որքան այն ավելի բարձր է, այնքան ավելի տաք է գորգը: Հաճախ, բացի R-Value ցուցանիշից, նշվում է նաև գորգի շահագործման խորհուրդ տրվող ջերմաստիճանը, որի պարագայում մրսելու հավանականությունը հասնում է նվազագույնի: Երկու գորգերի ջերմամեկուսացումը կարելի է գումարել իրար՝ դրանք կիրառելով իրար հետ: Օրինակ, 3-սեզոնային ինքնափչվող գորգը կարելի է կիրառել նաև ցուրտ ձմռանը՝ դրա տակից օգտագործելով նաև մյուս տուրիստական գորգը:
Երբ դուք ստիպված եք գիշերներ անցկացնել սառը ձյան վրա, սառած գետնին, խորհուրդ է տրվում կիրառել ինքնափչվող կամ տաքացուցիչով փչված գորգեր, որոնց ջերմամեկուսացումը բավական կլինի նշված պայմաններում շահագործման համար: Ձյունով ծածկված կամ սառած մակերեսին գիշերելու համար առավել հարմար են փրփուր-գորգերը և չտաքացվող փչվող գորգերը: Դրանց ջերմամեկուսացումը բավականին ցածր է, և հաճախ մարզիկի մարմնի ջերմությունը բերում է ձյան հալմանը դրանց տակ:

                               Զբոսաշրջային գորգի հարմարավետությունը

Հարմարավետությունը քնի ժամանակ որոշվում է նրանով, թե որքան լավ է գորգը փակում տեղանքի  անհարթությունները, ինչպես նաև դրա փափկությամբ և ճկունությամբ:
Այս առումով առաջնորդներից են ինքնափչվող գորգերը, որոնց լցոնելու համար կիրառվում է մի շերտ փրփուր: Դրանց բնորոշ հարմարավետությունը լավ ջերմամեկուսացման հետ մեկտեղ, հաճախ համադրելի է լինում տնային ներքնակների հետ: Այդպիսի զբոսաշրջային գորգերն ապահովում են ողնաշարի հավասարաչափ դիրքը, ինչպես նաև դրանց ճկունությունը կարելի է կարգավորել փականների օգնությամբ:
Դրանց մեջ փրփուրի առկայության շնորհիվ օդը գրեթե չի տեղաշարժվում մարմնի շարժումնրի հետ մեկտեղ, եթե դուք շատ եք շրջվում քնի ժամանակ: Դա նվազեցնում է գորգից սահելու հավանականությունը, ապահովում է հավասարաչափ ջերմամեկուսացում և չի խանգարում քնած մարդուն: Ինքնափչվող իզոմատները շահագործման ընթացքում որևէ աղմուկ չեն ստեղծում, ինչը շատ կարևոր է, եթե վրանում դուք մենակ չեք քնում:

Քնի ժամանակ է պարզ լինում արդյոք ճիշտ և հարմարավետ տուրիստական գորգ եք գնել, թե ոչ։
Հարմարավետ քնի տեսանկյունից ամենավատ գորգերն են գորգեր-կարիմատները: Փոքր հաստությունը՝ նյութի բավականին բարձր խտության հետ համադրության մեջ գրեթե թույլ չեն տալիս թաքցնել մակերեսի անհարթությունները: Այդ իսկ պատճառով կարիմատները – առաջին հերթին մինիմալիստների ընտրությունն է, որոնք պատրաստ են զոհաբերել իրենց հարմարավետությունը հանուն ցածր քաշի: Պետք է հաշվի առնել , որ որքան այն ավելի հաստ է, այնքան կարիմատն ավելի տաք է և փափուկ: Սակայն, դրանց թերությունն էլ ծանր քաշն է և մեծ ծավալը:

                                      Զբոսաշրջային գորգի ապահովությունը

Զբոսաշրջային գորգի ապահովությունը շատ կարևոր չափանիշ է երկարատև քեմփինգի պայմաններում օգտագործման համար: Այս առումով առաջատար դիրքեր են զբաղեցնում փրփուր-գորգերը: Դրանք չեն վախենում ծակվելուց, այդ պատճառով անհրաժեշտություն չկա դրանց համար ընտրել հարթ վայր, ինչպես նաև կարելի է չանհանգստանալ տեղափոխության ժամանակ կարիմատի պահպանության մասին: Եվս մեկ առավելություն կայանում է նրանում, որ գորգը պետք չէ փչել, այն պարզապես կարելի է փռել գետնին, եթե հարկավոր է հանգստանալ: Եթե գորգն արդեն մաշվել է և պիտանի չէ իր ուղիղ նշանակությամբ կիրառելու համար, այն դառնում է փորձերի իրականացման համար հարմար նյութ, որի օգնությամբ զբոսաշրջիկները բազմաթիվ օգտակար իրեր են պատրաստում. ներդիրներ, ջերմամեկուսացող պատյաններ տերմոսների համար, զբոսաշրջային նստատեղեր, և նույնիսկ գլխարկներ: Կարիմատ գորգերի օգնությամբ պաշտպանվում են քամուց, ինչպես նաև կիրառում են, որպես մթերք կտրատելու հարմարանք: Կարիմատից կարելի է առանց դժվարության կտորներ առանձնացնել, եթե անհրաժեշտ է: Այսպիսի բազմաֆունկցիոնալության շնորհիվ փրփուր-գորգերը լայն տարածում են ստացել զբոսաշրջիկների համար, ովքեր, ձգտելով ազատվել իրենց ուսապարկերի ավելորդ քաշից, նախընտրում են կիրառել հանդերձանքի բազմաֆունկցիոնալ առարկաներ:

Ինքնափչվող և փչվող գորգերի ապահովության գլխավոր սահմանափակումն է դրանց ծակվելու հավանականությունը: Եթե դրանցից բաց թողնել օդը, ապա դրանց փափկությունը և ջերմամեկուսացումը կտրուկ կընկնեն: Սակայն, բազմաթիվ ժամանակակից իզոմատներ պատրաստվում են ամուր կտորներից, որոնք շատ դժվար է վնասել: Այդպիսի գորգերը նույնիսկ կարելի է կիրառել վրանից դուրս, առանց որևէ լրացուցիչ շերտի: Բացի այդ, փոքր ծակերի նորոգումը իրենցից որևէ բարդություն չեն ներկայացնում: Կարևորը, ձեռքի տակ ունենալ վերանորոգման հավաքածուն:

                                            Զբոսաշրջային գորգի չափսը և ձևը

Գորգի ձևը և չափսը ազդում են քնի հարմարավետության և իզոմատի քաշի վրա: Ուշադրություն դարձրեք ոչ միայն դրա տեսակի վրա, այլ ձեր մարմնի չափսերին՝ դրա համապատասխանության վրա: Ինչպես նաև հարկավոր է ուշադրություն դարձնել, թե որքանով է այս կամ այն տեսակի գորգը համապատասխանում արշավի պայմաններին: Իզոմատի չափսերը սովորաբար կրճատ նշվում են տառային նշանակումներով, որոնք համապատասխանում են հագուստի չափսերի տառերին: Դրանցից հիմնականներն են S (small, «փոքր»), M կամ Reg (medium, «միջին») և L (large կամ long, «մեծ»; «երկար»): Յուրաքանչյուր նշանակում համապատասխանում է գորգի այս կամ այն երկարությանը և լայնությանը, սակայն տարբեր արտադրողների մոտ այս ցուցանիշները կարող են տարբերվել:

Գորգեևրի երկարությունների տարբերությունները կարող են բավականին զգալի լինել՝ 90-ից մինչև 197 սմ: Ամենակարճ գորգերն արտադրվում են հատուկ նրանց համար, ովքեր սիրում են հաշվել իրենց հանդերձանքի յուրաքանչյուր գրամը: 119-130 սմ երկարությամբ գորգերը հերիքում են զբոսաշրջիկի միայն մեջքի հատվածի համար, իսկ ոտքերի և գլխի համար ստիպված են լինում կիրառել որևէ լրացուցիչ իրեր: 183 սմ – գորգի առավել տարածված երկարությունն է: Համապատասխանում է M կամ Reg չափսերին, և 53 սմ լայնության հետ համադրության մեջ հարմար է միջին կազմվածքի տեր անձանց համար: Ամենաերկար մոդելները նախատեսված են բարձրահասակ անձանց համար, կամ ստեղծվում են քեմփինգների համար:

Ձեռք բերելով մի քանի գորգեր՝ համապատասխանեցրեք դրանց լայնությունները ձեր վրանի լայնության հետ. իրար վրա անհարմար գցած գորգերը կարող են լուրջ անհարմարարություններ ստեղծել քնի համար: Եթե դուք մշտապես ճանապարհորդում եք ձեր զույգի հետ, ապա կարող եք ուշադրություն դարձնել երկտեղանոց գորգերի մոդելների վրա՝ այսօր արտադրվում են այդպիսի նեքնակների։ Զբոսաշրջային գորգերը լինում են նաև կոկոնաձև, որը նեղանում է ոտքերի հատվածում, որը նպաստում է իզոմատի քաշի նվազմանը:

Ամրակազմ տղամարդու համար դժվար կլինի ամբողջ գիշերն անցկացնել կարճ և նեղ կոկոնաձև գորգի վրա, իսկ փոքր մարմնով աղջիկը, ով քնում է լայն ուղղանկյունաձև գորգի վրա, ստիպված է լինելու իր մեջքին կրել ծանր քաշի իզոմատ: Այդ պատճառով գորգի չափսը պետք է ճիշտ ընտրել:

                                            Զբոսաշրջային գորգի նորոգումը

Առավել զգույշ պետք է օգտագործել փչվող գորգերը: Ծակվելու պարագայում դրանց ջերմամեկուսացումը հանգում է զրոյի, ի տարբերություն ինքնափչվող գորգերի: Նաև հարկավոր է զգուշորեն վերավել ցանկացած ինքնափչվող և փչվող գորգերի հետ, որոնք դասվում են ուլտրալայթ կատեգորիային – դրանք խորհուրդ չի տրվում կիրառել վրանից դուրս առանց պաշտպանիչ շերտի կամ լրացուցիչ ներդիրի:

Փչվող գորգերի արտադրողները մշտապես աշխատում են ծակվելու խնդրի վրա, փորձելով ապահովել զբոսաշրջիկին գոնե նվազագույն ջերմամեկուսացմամբ, եթե իզոմատն ամեն դեպքում վնասվել է: Այսպես, գորգի ծակվելը մեկ կողմից թույլ չի տա տեղի ունենա գորգի ամբողջ ծավալի և ջերմամեկուսացնող հատկությունների կորուստ: Դա հնարավորություն է տալիս օգտատիրոջը գիշերն անցկացնել նույնիսկ այն դեպքում, եթե հնարավորություն չկա օպերատիվ կերպով նորոգել գորգը:
Փչվող գորգը ծակվելուց պաշտպանելու համար կարելի է կիրառել կարիմատ: Այսպես հնարավոր է համատեղել փչվող ներքնակի ջերմությունը և հարմարավետությունը՝ փրփուրի ապահովության հետ:

Զբոսաշրջային գորգի որակների գնահատման պարագայում կարևոր չափանիշ է դրա երկարակեցությունը, այսինքն այն, թե որքան երկար կտևի իզոմատի ակտիվ շահագործման շրջանը մինչ այն պահը, երբ գորգն արդեն պիտանի չի լինի նորոգման համար կամ կզրկվի իր բազային հատկություններից: Այս առումով առաջատար դիրքեր են զբաղեցնում որակյալ ինքնափչվող գորգերը: Ճիշտ օգտագործման դեպքում դրանք երկար ժամանակ կարող են ծառայել իրենց տիրոջը՝ առանց որակի զգալի կորուստի՝ ընդհուպ մինչև 20 տարի: Այս նույն հատկանիշով չի կարող աչքի ընկնել նույնիսկ փրփուր-գորգերը՝ դրանց հաստությունը, և, որպես հետևանք, նաև ջերմամեկուսացումը, նվազում են ակտիվ շահագործման արդեն 2-րդ տարում:

                                                   Զբոսաշրջային գորգի քաշը

Հանդերձանքի ցածր քաշը թույլ է տալիս էապես խնայել զբոսաշրջիկի ուժերը: Սակայն, գորգի քաշը չի կարելի գնահատել դրա որակներից առանձին, որոնցից գլխավորն է համարվում ջերմամեկուսացումը, որպես առողջ և հարմարավետ քնի կարևոր նախապայման:

Քաշ/ջերմամեկուսացում հարաբերակցության առումով առաջատար են համարվում տաքացված փչվող գորգերը: Դա լավագույն ընտրությունն է լեռնագնացության, լեռնային զբոսաշրջության, երկարատև ձմեռային արշավների և այլ ակտիվությունների համար, որտեղ անհրաժեշտ է հանդերձանքի ցածր քաշ:

Քաշի և ջերմամեկուսացման միջև կոմպրոմիսային որոշում են առաջարկում ինքնափչվող գորգերը: Չնայած այն բանին, որ դրանց միջին քաշը տատանվում է 700-800 գրամի սահմաններում, փաթեթավորված վիճակում դրանք 2-3 անգամ ավելի կոմպակտ էն և ապահովում են էլ ավելի հարմարավետ քուն: Միաժամանակ, դրանք ավելի էժան են, քան տաքացված փչվող մոդելները: Դրանով է պայմանավորված դրանց լայն տարածումը համաշխարհային զբոսաշրջային պրակտիկայում: Կարիմատներն օժտված են համեմատաբար ցածր քաշով և բավականաչափ ջերմամեկուսացմամբ:

                                     Ինչպես ճիշտ գնել զբոսաշրջային գորգը

Եվ այսպես, ո՞ր զբոսաշրջային գորգն ընտրել: Որ հանգամանքներում և ինչի համար պետք է նախընտրությունը տալ զբոսաշրջային գորգի այս կամ այն մոդելին:

                                                      Ե՞րբ արժե կարիմատ գնել

                                                      Ե՞րբ գնել ինքնափչվող գորգ

                                              Ե՞րբ գնել փչվող տաքացված գորգ

                                              Ե՞րբ գնել փչվող չտաքացված գորգ