0
22
Հլս 2021
Արշավային ուսապարկի ընտրություն
Տարողունակ ուսապարկը զբոսաշրջության իրական խորհրդանիշն է: Արշավի ժամանակ դա հանդերձանքի գրեթե կարևորագույն մասն է, որը կոշիկների հետ միասին, որոշում է, թե որքան հարմարավետ կլինեն ձեր արշավները: Ուսապարկ ընտրելիս պետք է լրջորեն հաշվի առնել մի քանի հանգամանք, այնուհետև ձեռք բերել նախընտրելի տեսակը:
Ուսապարկի ծավալից է կախված, թե որքան հանդերձանք, հագուստ և մթերք հնարավոր կլինի տեղավորել ներսում: Ուսապարկի ծավալն արտահայտվում է լիտրերով, որոնք հաճախակի նշված են լինում մոդելի անվան մեջ: Հաճախ հենց ծավալով է որոշվում, թե որ տեսակին է պատկանում ուսապարկը։
Ի՞նչ ծավալի ուսապարկ հարմար կլինի հենց քեզ
Ընտրությունը կախված է երկու հիմնական գործոններից.
Ելնելով այս երկու գործոններից`կախված է ուսապարկի ծավալը: Այդ երկու գործոնները պայմանականորեն անվանենք «Դասական ուսապարկ» և «Թեթևացված ուսապարկ»:
Առաջին տարբերակի դեպքում պատկերացնում ենք, որ ուսապարկում կարող է լինել հանդերձանքի լիարժեք հավաքածու, որը կապահովի անհրաժեշտ հարմարավետությունը և անվտանգությունը արշավի ժամանակ, ներառյալ եղանակային պայմանները և շարժման գրաֆիկի հնարավոր փոփոխությունները: Երկրորդ տարբերակի պարագայում գործադրվում են «Fast & Light» ոճը, որի դեպքում նվազագույնի է հասցնում հանդերձանքի ծավալը և քաշը, նույնիսկ սեփական հարմարավետության հաշվին: Այս մոտեցումը պահանջում է ինքնակազմակերպվածության բավական բարձր մակարդակ և արշավի երթուղու զգուշավոր կազմակերպումը և պլանավորումը: Սակայն, եթե Ձեզ հաջողվի դա իրագործել, ուսապարկի թեթև ծավալի շնորհիվ դուք կվայելեք Ձեր արշավը։
Ուսապարկի ծավալի ընտրությունը հեշտացնելու համար մենք որոշել ենք մի քանի աղյուսակ կազմել:
Ուսապարկի ծավալը` կախված երթուղու հեռավորությունից հանդերձանքի «Դասական ուսապարկ» կոմպլեկտավորման դեպքում
| Արշավի տևողությունը | Ուսապարկի ծավալը, լ |
| 1 օր | 20-45 |
| 2-3 օր | 50-60 |
| 3-5 օր | 60-80 |
| Մեկ շաբաթ և ավել | 80 և ավելին |
Ինչպես երևում է աղյուսակից, 60-80 լիտր տարողությամբ ուսապարկերը հիանալի տարբերակ են երկու օրից ավել նախատեսվող գրեթե բոլոր տեսակի արշավների համար: Այստեղից է առաջ գալիս դրանց լայն տեսականին ցանկացած արտադրողի մոտ: Սակայն, դրանց ճանաչվածության և տարածվածության պատճառը միայն օպտիմալ ծավալը չէ: Այդպիսի ուսապարկերը ակտիվորեն կիրառվում են ոչ միայն դասական երթուղիներոով անցնելու համար, այլև ոչ տևական դահուկային արշավների և լեռնագնացության մեջ:
80 լիտրից ավել ծավալով ուսապարկերը հարմար կլինեն երկարատև երթուղիներ անցնելու համար, երբ զբոսաշրջիկը ստիպված է տեղափոխել նաև հանդերձանքի և մթերքի լրացուցիչ քանակը: Սակայն, սխալ է մտածել, որ մեծ ծավալով ուսապարկերը հարմար են բացառապես էքսպեդիցիոն զբոսաշրջության համար: Գործնականում, դրանք հարմար կլինեն նաև, եթե.
Ընտրել տարբերակ
This product has multiple variants. The options may be chosen on the product page
Հակիրճ դիտում
Ընտրել տարբերակ
This product has multiple variants. The options may be chosen on the product page
Հակիրճ դիտում
Ընտրել տարբերակ
This product has multiple variants. The options may be chosen on the product page
Հակիրճ դիտում
Ուսապարկի ծավալը` կախված երթուղու հեռավորությունից հանդերձանքի «թեթևացված ուսապարկ» կոմպլեկտավորման դեպքում
| Արշավի տևողությունը | Ուսապարկի ծավալը, լ |
| 1 օր | 20-30 |
| 2-3 օր | 40-50 |
| 3-5 օր | 45-55 |
| Մեկ շաբաթ և ավել | 55 և ավելին |
Ժամանակակից հանդերձանքը, ինչպես նաև գործնական հմտությունները, որոնք ներթափանցել են զբոսաշրջության մեջ «Fast & Light» ոճի շնորհիվ, թույլ են տալիս բավարարվել շատ ավելի փոքր ծավալի ուսապարկերով: Օրինակ, մեկ օր տևող արշավի համար լիովին բավարար է 20-30 լիտր ծավալով ուսապարկը: Իսկ մի քանի օր տևող արշավի համար անհրաժեշտ հանդերձանքը առանց զգալի դժվարության կարող է տեղավորվել 50-60 լիտր ծավալ ունեցող ուսապարկի մեջ: Սակայն, անհրաժեշտ է հասկանալ, որ թեթևացված ուսապարկով զբոսաշրջությունը զգալի փորձ է պահանջում ինչպես հանդերձանքի կոմպլեկտավորման, այնպես էլ երթուղու գրագետ պլանավորման գործում: Նաև հարկավոր է հաշվի առնել, որ ուլտրա-լայթ զբոսաշրջիկների մեթոդները և հանդերձանքը ոչ բոլոր դեպքերում են կիրառելի – դրանք պետք է շատ զգուշորեն կիրառել ձմեռային արշավների, երեխաների հետ արշավների, ինչպես նաև երկարատև էքսպեդիցիաների ժամանակ:
Ի՞նչ անել, եթե գնում եք և´ կարճատև, և´ երկարատև արշավների
Կարելի է դիտարկել երկու ուսապարկերի ձեռք բերման տարբերակը` փոքր և թեթև` կարճատև զբոսանքների և արշավների համար, և մեծ` երկարատև և ձմեռային արշավների համար: Կամ էլ կարելի է մեկ ուսապարկ ընտրել, որը բավական տարողունակ կլինի երկարատև արշավների համար: Մեծ ուսապարկերը, որը կարող է լինել նաև 50-60 լիտր տարողությամբ ուսապարկը, բավական հարմար կլինեն նաև կարճատև արշավների համար: Բավական է միայն համոզվել, որ ուսապարկը թեթև է և դատարկ․ ծավալը հնարավոր է նվազեցնել ձգանների օգնությամբ:
Տարվա ո՞ր եղանակին ես նախատեսում արշավի գնալ
Եթե տարվա տաք եղանակին, ապա կողմնորոշվեք ներկայացված աղյուսակներով: Իսկ եթե դուք նախատեսում եք արշավի գնալ վաղ գարնանը կամ ուշ աշնանը և լինել 2500 մ և ավել բարձրություններ վրա, ապա խորհուրդ տրվող ծավալին ավելացրեք ևս 10-20 լիտր ծավալ: Դա անհրաժեշտ պաշարն է, որը թույլ կտա տեղափոխել ձմեռային քնապարկը, լրացուցիչ տաք հագուստները և ոչ սեզոնային վրանը:
Ուսապարկ ենք ընտրում ըստ մարմնի կառուցվածքի
Անկախ այն բանից, թե դուք ինչ եք Ձեզ հետ վերցնում, Ձեր ապագա ուսապարկը պետք է մաքսիմալ հարմարավետ լինի և ինչ որ չափով համապատասխանի ձեր մարմնի կառուցվածքին և անատոմիական առանձնահատկություններին:
Ուսապարկի ճիշտ ընտրությունը ենթադրում է.
Այնուհետև ստուգեք Ձեզ հետաքրքրող մոդելի բնութագրիչները: Հստակեցրեք, արդյոք այն ներկայացված է մի քանի չափսերով, թե՞ օժտված է կարգավորող համակարգով` այս կամ այն մարմնի կառուցվածքին համապատասխանեցնելու համար: Վերջինի դեպքում արտադրողները սովորաբար նշում են օգտատիրոջ առավել հարմարավետ հասակը կամ իրանի երկարությունը:
Ահա մոտավոր չափսային շարքը, որին համապատասխանում են դրանց տեսականու շրջանակներում ներկայացված ուսապարկերի մեծամասնությունը.
| Չափս | Իրանի երկարություն, սմ |
| XS, extra small | Մինչև 40 |
| S, small | 40-45 |
| M, Medium/Regular | 45-50 |
| L, Large/Tall | 50-ից ավել |
Կարևոր է նաև ուսապարկի գոտու կառուցվածքը և ընդգրկումը: Չէ՞ որ, եթե ուսապարկը ճիշտ է ընտրված, տեղափոխվող ծանրության մեծ մասը` գրեթե 80%–ը, պետք է ընկնի ոչ թե ուսերի, այլ ոտքերի վրա: Գոտին պետք է ապահովի կոնքային ոսկրերի ձիգ և հավասարաչափ ընդգրկումը՝ առանց որևէ ճնշման: Բարձր դասի ուսապարկերի բազմաթիվ մոդելների կառուցվածքում գոտու և ուսաթելերի մեջ օգտագործվում է տերմային փրփուր, որն աստիճանաբար «նստում» է մարմնի կառուցվածքին համապատասխան շահագործման ընթացքում:
Հաշվի առեք, որ բազմաթիվ ուսապարկեր արտադրվում են` հաշվի առնելով կանացի մարմնի առանձնահատկությունները: Այդպիսի ուսապարկերի հետնամասի երկարությունը և գոտու ներգրավման չափսերը ավելի փոքր են, քամ «ունիսեքս» մոդելներում: Միաժամանակ ուսաթելերը և գոտին օժտված են հատուկ պրոֆիլներով և տեղադրված են այլ անկյան տակ՝ հստակ ընդգծկելով կոնքերը: «Կանացի» տարբերակներին պետք է ուշադրություն դարձնեն այն զբոսաշրջիկները, ովքեր չեն կարողանում բավական հարմարավետ ուսապարկ ընտրել «ստանդարտ» մոդելներից:
Մանկական մոդելները, որպես կանոն, օժտված են ավելի փոքր ծավալով և լինում են նաև կարգավորման համակարգով, որը հաշվարկված է երեխայի հասակի փոփոխություններով:
Փորձելուց առաջ ուսապարկը անպայման պետք է բեռնել: Դա կարելի է անել հատուկ իրերի օգնությամբ, որոնք մոտավոր պատկերացում են տալիս այն մասին, թե ինչպես է նստում ուսապարկը ստանդարտ ծանրության դեպքում: Կամ էլ կարելի է օգտագործել սովորական հանդերձանքը` քնապարկ, վրան և այլն: Սովորաբար, միջին ծավալի զբոսաշրջային ուսապարկը խորհուրդ է տրվում բեռնել 8-10 կգ հանդերձանքով:
Յուրաքանչյուր բրենդ ունի նստեցման իր առանձնահատկությունները, այդ պատճառով առավել տրամաբանական է փորձել նվազագույնը 3 մոդելներ և մի փոքր զբոսնել խանութով՝ բեռնած ուսապարկով: Իհարկե, դա նույնը չէ, ինչ այդ ուսապարկով երթուղի անցնել, սակայն դուք կկարողանաք հասկանալ, թե ընտրված մոդելը որքանով է հարմարավետ:
Խորհուրդներ արշավային ուսապարկի հարմարեցման համար
Գրագետ մասնագետը միշտ կարող է օգնել հարմարեցնել ուսապարկը ձեր մարմնի առանձնահատկություններին և գնահատել, թե ինչպես է ընտրված մոդելը «նստում»: Եթե այս ամենը դուք ցանկանում եք իրականացնել ինքնուրույն, ապա ուսապարկի անհատական կարգավորումը իրականացվում է դրա կառուցվածքի հետևյալ տարրերի օգնությամբ
Ուսապարկի կարևոր կառուցվածքային առանձնահատկություններ
Նյութերը և դրանց առանձնահատկությունները: Ժամանակակից ուսապարկերը, որպես կանոն, պատրաստում են սինթետիկ կտորներից` պոլիէսթերից կամ նեյլոնից, որոնք դիմացկուն են մաշվածության հանդեպ: Որպես կանոն, որքան ավելի ամուր է կտորը, այնքան ավելի բարձր է դրա քաշը: Թե այդ չափանիշներից որն է ավելի կարևոր, կախված է ձեր արշավային պրակտիկայից: Հաճախ կտորի թարս կողմից ավելացվում է նաև ջրահեռացնող պոլիմերի մի շերտ, ինչը բարձրացնում է դրա խոնավադիմացկունությունը – այդպիսի նյութը դժվար է թրջվում և արագ է չորանում:
Այդ հատկության շնորհիվ ուսապարկը ավելորդ ծանրություն չի հավաքում և ավելի երկար է չոր պահում պարունակությունը: Շատ կարևոր հատկություն է ուսապարկի մեջ կիրառվող լրացուցիչ տարրերի՝ ձգանների, ճարմանդների, փականների և այլնի երկարատևությունը և ամրությունը: Պատասխանատու արտադրողների մոտ այդ տարրերը կարող են հստակ աշխատել ցանկացած եղանակային պայմաններում, շատ երկար ժամանակահատվածի ընթացքում:
Ուսաթելեր, գոտի և այլ տարրեր: Հարմարավետությունը իրերի տեղափոխման ժամանակ մեծապես կախված է նրանից, թե ինչպես են գոտին և ուսաթելերը բաշխում ճնշումը ուսերի, գոտու և մեջքի միջև: Դրա համար արտադրողներն օգտագործում են դրանցում փրփրային լցոններ, որոնց որակը կարող է շատ տարբեր լինել: Բարձր դասի ուսապարկերում հաճախ կիրառվում է ջերմաձևավորվող փրփուր: Ժամանակի ընթացքում այն հստակ «նստում» է մարմնի կառուցվածքի վրա և երկար ժամանակ չի կորցնում իր հատկությունները: էժանագին ուսապարկերում նշված նյութի փոխարեն կիրառվում է փափուկ սպունգ, որը բավական արագ կորցնում է իր հատկությունները: Ծանրության տակ այն նստում է, դադարում է բաշխել ճնշումը, ինչը բերում է մկանների լարմանը, վաղաժամ հոգնածությանը մշտական անհամարավետության զգացողությանը:
Վերջին տարիներին արտադրողները շատ հաճախ գոտին շարժական են դարձնում, թույլ տալով դրան սահմանափակ չափով պտտվել, ինչը թույլ է տալիս զբոսաշրջիկին ապահովել շարժումների առավելագույն ազատությունը:
Օդափոխություն: Դա ներքին կարկասով ուսապարկերի թույլ կոմն է: Իսկ այդպիսի ուսապարկերը ժամանակակից շուկայում մեծամասնություն են կազմում: Ուսապարկի և մեջքի միջև բավականաչափ հեռավորություն չկա օդի շրջանառության համար, ինչը բերում է բարձր քրտնարտադրության զբոսաշրջիկի մոտ: Արտադրողները տարբեր կերպ են մոտենում այս խնդրի լուծմանը: Օրինակ, որոշ արտադրողներ ուսապարկի մեջքի հատվածում տեղադրում են օդափոխության ալիքներ` դրանք լրացնելով խոնավությունը ներծծող նյութերով: Օդի շրջանառությունը ցանցի և ուսապարկի միջև ոչնչով սահմանափակված չէ: Կարկասը, որի վրա ձգվում է ցանցը, բավականաչափ տարածություն է ապահովում մեջքի և ուսապարկի միջև:
Հանդերձանքի հասանելիությունը: Ուշադրություն դարձրեք այն փաստի, թե արդյոք հեշտ է ուսապարկում գտնել և դուրս բերել այն առարկան, որը Ձեզ անհրաժեշտ է: Դա կախված է ուսապարկի կոնֆիգուրացիայից, այսինքն՝ բաժինների տեղակայությունից և դրանց մուտքի հատվածներից: Դա կարող են լինել լրացուցիչ ֆրոնտալային կամ П-նման ճարմանդներ, որոնք թույլ կտան չքանդել ամբողջ ուսապարկը որևէ մեկ առարկա գտնելու կամ հանելու համար, այլ միանգամից մուտք ունենալ ուսապարկի համապատասխան բաժնին, որտեղ գտնվում է անհրաժեշտ առարկան: Բազմաթիվ ժամանակակից ուսապարկերի մոդելներ օժտված են հատուկ բաժնով քնապարկի համար,որը գտնվում է ուսապարկի ստորին հատվածում և օժտված է առանձին ճարմանդով՝ արագ մուտքի համար:
Այնուամենայնիվ, անկախ վերը նկարագրված առանձնահատկություններից, հաշվի առեք, որ որքան ավելի շատ են ուսապարկի վրա եղած բաժինները և ճարմանդները, այնքան ավելի մեծ է ուսապարկի քաշը:
Լրացուցիչ տարրերը ուսապարկի կառուցվածքում
Վերին փական: Շատ ուսապարկերում առկա է փական, որը կապիշոնի նման ծածկում է հիմնական բաժինը և օժտված է գրպանիկներով այն իրերի համար, որոնք միշտ պետք է ձեռքի տակ լինեն: Սովորաբար,դա արևապաշտպան քսուքն է, տեսախցիկը, քարտեզը և այլն: Երբեմն կառուցվածքը թույլ է տալիս առանձնացնել փականը ուսապարկից և օգտագործել այն, որպես գոտի կամ մինի-ուսապարկ:
Լրացուցիչ հանդերձանքի կցման կետեր: Եթե արշավների ժամանակ դուք հաճախ եք ձեզ հետ վերցնում լրացուցիչ հանդերձանք, ինչպես, օրինակ, թրեքինգային փայտեր, հարկավոր է ուշադրություն դարձնել, որպեսզի ուսապարկի վրա առկա լինեն լրացուցիչ կետեր այդպիսի հանդերձանքի կցման համար: Թեպետ, դժվար է հանդիպել ուսապարկի այնպիսի մոդել, որը օժտված չի լինի գոնե մեկ-երկու այդպիսի կետերով: Լեռնագնացության համար նախատեսված ուսապարկերի վրա առկա են լինում միանգամից մի քանի այդպիսի կետեր:
Անձրևապաշտպան թիկնոց: Որպես կանոն, ուսապարկերի ներքին մակերեսը պատված է լինում անջրանցիկ շերտով: Սակայն, ջուրը ամեն դեպքում կարող է ներթափանցել կարերի և ճարմանդների միջով, իսկ ուժեղ անձրևի պայմաններում արտաքին կտորը ևս կարող է ջուր ներծծել: Այդ պատճառով, եթե արշավների ժամանակ դուք ռիսկի եք դիմում ընկնել ուժեղ անձևների տակ, ավելի լավ է ձեռք բերել անջրանցիկ թիկնոց, եթե այն ներառված չէ ուսապարկի ամբողջ կոմպլեկտում:
Գրպաններ գոտու վրա: Դրանցում կարելի է տեղավորել փոքր իրեր, օրինակ, կոմպակտ տեսախցիկ կամ սնունդ: Դրանք շատ հարմարավետ են կիրառության համար, քանի որ թույլ են տալիս չհանել ուսապարկը ամբողջությամբ որևէ փոքր իր կամ առաջնային անհրաժեշտության առարկա գտնելու համար:
Էլաստիկ կողային գրպաններ: Դրանք ձգվում են այնքան, որքան անհրաժեշտ է ջրի շիշ կամ այլ երկար առարկա տեղավորելու համար, իսկ դատարկ վիճակում դրանք վերադարնում են իրենց սկզբնական վիճակին: Որոշ կողային գրպանների կառուցվածքը թույլ է տալիս հանել ջրի շիշը անմիջապես քայլելու ընթացքում:
Ժամանակակից ուսապարկերի ամբողջ բազմազանությանը ծանոթանալու համար կարող եք ուսումնասիրել մեր կատալոգը կամ այցելել մեր խանութ-սրահը, որտեղ պրոֆեսիոնալ մասնագետները կօգնեն Ձեզ ընտրել ուսապարկի Ձեր օպտիմալ մոդելը:
Ինչպե՞ս ընտրել արշավային ուսապարկ