ՄԵՐ ԳՈՐԾԸՆԿԵՐՆԵՐԸ

ARMENIAN HIKING AND MOUNTAINEERING FEDERATION

Հայաստանի ալպինիզմի և լեռնային տուրիզմի հայկական ֆեդերացիան գործում է 2011թ. փետրվարից: Ֆեդերացիայի ստեղծման նպատակն էր նպաստել ալպինիզմի և լեռնային տուրիզմի զարգացմանը և լեռնագնացության մշակույթի ձևավորմանը: Երբ ֆեդերացիան նոր էր կազմավորվել, մեր հիշողություններում սովետական միության հայ լեռնագնացների ձեռքբերումներն էին միայն, ինչը հուշում էր, որ շատ անելիքներ կան <<լեռնագնացություն>> բառին նոր  և ակտիվ շունչ տալու համար: Պարզ էր, որ պետք է ամեն ջանք ներդնել լեռնագնացությունը Հայաստանում վերակենդանացնելու համար: Այս տարիների ընթացքում կազմակերպվել և անցկացվել են ուսումնամարզական հավաքներ, սեմինարներ, քննարկումներ: Տարվա մեջ երկու անգամ 5-7 հոգանոց խմբեր լեռնագնացության, լեռնային պատրաստվածության տեսական և գործնական  ուսումնական ծրագիր են անցնում, և տարեցտարի մեր շարքերը համալրվում են փորձառու լեռնագնացներով, ովքեր մեծ դեր են կատարում լեռնագնացությունը Հայաստանում զարգացնելու համար:

VENTO

Vento ընկերության թիմը աշխատում է մեկ ապրանքանիշի ներքո և ընդհանուր նպատակների համար: Vento ընկերությունում համախմբված պրոֆեսիոնալ մեծ թիմ` ալպինիստներ, ժայռամագլցողներ, ովքեր գիտեն, թե ինչպիսին պետք է լինի գույքը: Նրանց միավորում է փորձը և ժամանակակից տեխնոլոգիաների գիտելիքը, որպեսզի գնելով Vento ընկերության սարքավորումներ, չանհանգստանաք Ձեր անվտանգության համար: Եվ թեկուզ Vento ընկերությունը իր անունը ձեռք է բերել 6 տարի առաջ, բայց նա 20 տարի աշխատելու արդյունքում հասել է այն արդյունքին, ինչ հիմա ունի:

ARMENIAN GEOGRAPHIC

Armenian Geographic-ը հիմնադրվել է 2012 թվականին, նախագծի հիմնադիրն է Տիգրան Շահբազյանը, ով հանդիսանում է «Ալպինիզմի և լեռնային տուրիզմի հայկական ֆեդերացիայի» վարչության անդամ: Կազմակերպել և ղեկավարել է ավելի քան 400 արշավ և լեռնային վերելքներ:

ՆՊԱՏԱԿՆԵՐ

Հայաստանի աշխարհագրության ճանաչում
Ուսուցողական նյութերի պատրաստում (հոդվածներ, լուսանկարներ, տեսանյութեր, սեմինարներ, բլոգ)
Աշխարհագրական տուրիզմի և արշավային մշակույթի զարգացում
Մարդու և բնության մինջև կապի ստեղծում աշխարհագրության միջոցով
Համախմբել և ոգեշնչել հետաքրքրասեր ու գիտակից մարդկանց
Համագործակցել Հայաստանի և արտերկրի աշխարհագրագետների հետ

REDFOX

RedFox ընկերության պատմությունը սկսվել է դեռևս 1980թ–ից, երբ Վլոդիսլավ Մառոզը սկսեց զբաղվել ալպինիզմով: Այդ տարիներին նա ծանոթացավ Ալեքսանդր Գլուշկովկիի հետ: Հետագա տարիներին նրանք միասին կատարեցին դժվար վերելքներ: Վլոդիսլավ Մոռոզը կատարեց ‹‹Снежный барс››, իսկ Ալեքսանդր Գլուշկովսկին բարձրացավ բարձրությամբ 3-րդ գագաթը՝ Կանչենջանգան ( 8586 ): Այդ տարիներին նրանց մոտ միտք առաջացավ, ստեղծել ալպինիզմի համար հատուկ հանդերձանք 1989թ–ին, որը քիչ ուշ ստացավ RedFox անունը: Առաջին փետուրից բաճկոնը և ուսապարկը նրանք ստեղծեցին իրենք իրենց ձեռքերով: Ունենալով ալպինիստական փորձ, նրանք շատ լավ գիտեին, թե ինչ է պետք ալպինիզմով զբաղվող մարդկանց:

ARMLAND

Armland զբոսաշրջային ակումբը հիմնադրվել է 2014 թ–ին, խմբի ղեկավարն է Արտյոմ Մարտիրոսյանը, ով հանդիսանում է «Ալպինիզմի և լեռնային տուրիզմի հայկական ֆեդերացիայի» անդամ:
Արմլենդ զբոսաշրջային ակումբը նպատակ է դրել զարգացնել զբոսաշրջությունը Հայաստանում, հատկապես էկո և էքստրեմալ ուղղությունները՝ Հայաստանի բնակչությանը, հատկապես երիտասարդներին, ծանոթացնելով Հայկական լեռնաշխարհի, բնության գեղատեսիլ վայրերի և պատմական հուշարձանների հետ: Մեզ կարող են միանալ բոլոր այն մարդիկ, ովքեր սիրում են ճանապարհորդել, ունենալ արկածներ և ներդաշնակ լինել բնության հետ:

PETZL

Petzl ընկերությունը ստեղծվել է 1975թ-ին: Ամեն ինչ սկսեվեց մի փոքր ընտանեկան բիզնեսով, որի հիմքը հայտնի գյուտարար Ֆերնանդ Պետզլն էր: Petzl ընկերությունը ֆրանսիական բրենդ է, որը շատ հայտնի է իր ալպինիստական սարքավորումներով: Petzl ապրանքանիշի սարքավորումները համապատասխանում են Եվրոպական և Ամերիկյան չափանիշներին (EN,ANSI, NFPA) այդ թվում` նաև UIAA:

MOUNTAIN GUIDE ARMENIAN

Mountain Guide Armenian բարձր լեռնային ալպինիզմի մեջ մասնագիտացված ընկերություն է և հիմնականում իրականցնում է վերելքներ 4000մ և ավել բարձրություն ունեցող սարերի գագաթներ։ Ընկերությունը վերջին 3 տարիների ընթացքում իրականցրել է մեկ տասնյակից ավել վերելքներ 4000-5000 մետր լեռներ։ Նաև հանդիսանում է առաջին և առայժմ միակ Հայկական ընկերությունը, որը կազմակերպել և իրականցրել է 7000մ լեռան՝ Պիկ Լենինի էքսպեդիցիան։ Ընկերության հիմնական ուղղություններն են՝ Արագած, Սաբալան, Կազբեկ, Էլբրուս, Պիկ Լենին և տարածաշրջանի այլ 4K+ լեռներ։

TRAMP

Ամերիկյան TRAMP ընկերությունը մշակում և արտադրում է զբոսաշրջիկների և ակտիվ հանգստի սիրահարների համար ( վրաններ, ուսապարկեր, քնապարկեր, սպասք, հագուստ, կոշիկներ) սարքավորումներ և աքսեսուարներ: TRAMP-ի մասնագետները, արտադրանքի մոդելները զարգացնում են սպառողների կարիքների և ժամանակակից տեխնոլոգիաների հիման վրա:

4 PEAKS ALPINE CLUB

Լեռնագնացության հեղինակությունը մեծանում է ամբողջ աշխարհում և “4 գագաթ” լեռնային ակումբի նպատակն է նպաստել լեռնագնացության զարգացմանը Հայաստանում: Ակումբի հիմնական գործունեությունն ուղղված է 7-14 տարեկան երեխաների ուսուցմանը: Ակումբի նպատակն է նպաստել երեխաների առողջ ապրելակերպին, փոխանցել գիտելիքներ, որոնց շնորհիվ նրանք կկարողանան կողմնորոշվել և ճիշտ գործել արտակարգ իրավիճակների ժամանակ, ինչպես քաղաքային պայմաններում, այնպես էլ բնության գրկում: Այս նախասիրության շնորհիվ երեխաները կգնահատեն ընկերությունը, կսովորեն թիմային աշխատանք և առաջին օգնություն, որոշակի չափով կազատվեն համակարգչային կախվածությունից:

JULBO

Julbo-ն աշխարհի հնագույն ապրանքանիշերից մեկն է համարվում: Julbo-ն ավելի քան 120 տարվա պատմություն ունի և նախատեսված է լեռնագնացության, լեռնադահուկային սպորտաձևերի, սառցամագլցման և ժայռամագլցման համար

Ընկերությունը ստեղծվել է Մորեզ փոքր քաղաքում, Շվեյցարիայի սահմանի մոտ գտնվող Դե Ռուսես հանգստավայրի ստորոտում:

YELL EXTREME PARK

Ձեզ դու՞ր են գալիս էքստրեմալ սպորտաձևեր, ինչպիսիք են Ziplining, Paragliding, Rock Climbing, ապա դուք պետք է այցելեք YELL EXTREME PARK .
Դուք այստեղ կգտնեք այն ինչ ձեզ պետք է սուր զգացողությունների համար:

STANLEY

Համաշխարհային բրենդ Stanley ընկերությունը վերջերս նշեց իր 100-ամյակը: Stanley թերմոսները ստեղծել է Նյու Յորքի բնակիչ ինժիներ-ֆիզիկոս Ուիլյամ Սթենլի կրտսերը: Ուիլիամ Սթենլիի հոբին և սիրելի զբաղմունքը թերմոսները չեն եղել: Նրան գրավում էր էլեկտրականությունը: 1892թ. թեև արդեն անգլիայի Ջեյմսոն Դյուրոլը արդեն ստեղծել էր թերմոսը և մեծ հաջողություն էր ունեցել, թեև ջերմություն լավ էր պահում, բայց ապակուց էր: Այդ ժամանակ Սթենլին 50 տարեկան հասակում արդեն ուներ իր էլեկտրատեխնիկական ընկերությունը` Stanley Electric manufacturing Company: Այդ իսկ պատճառով նրա անցումը թերմոսներին անսպասելի էր: Նրա տեխնիկական հայտնագործությունը տեղի է ունեցել 1913թ., նոր տրանսֆորմերի մշակման ընթացքում` մետաղյա շշով վակումային մեկուսացման մեթոդով: Եվ վերջապես  1915թ-ին Սթենլին արտադրեց մեծ քանակության թերմոսներ: Եվ այնպես ստացվեց, որ դա եղավ Սթենլիի վերջին ստեղծած գլուխգործոցը, որը կարողացավ ներկայացնել մարդկությանը: Մեկ տարի անց՝ 57 տարեկանում Սթենլին մահացավ` ընկերության ղեկավարումը թողնելով ինժիներ Հարրի Բարդգերին, որը  շարունակեց զարգացնել մոդելների տեսականին:

SKY_CLUB

PURAGLIDING IN ARMENIA

Paragliding in Armenia-ն ի դեմս SKY CLUB պարապլաներային ակումբի, սկսել է իրգործունեությունը 2009թ. և հանդիսանում է Հայաստանում պարապլանով տանդեմային թռիչքների կազմակերպման առաջատարը: Այս տարիների ընթացքում ակումբի կողմից Հայաստանի Պարապլաներային Ֆեդերացիայի անմիջական օժանդակությամբ կազմակերպվել են մի շարք միջազգային մակարդակի միջոցառումներ՝ 2 անգամ Ռուսաստանի Բաց Գավաթը Հայաստանում, Աշխարհի Նախագավաթը և Շարժիչային Գերթեթև Ավիացիայի Հայաստանի Բացգավաթը:  Մեր ակումբի բարձր մասնագիտական որակավորում ունեցող օդաչուները, փոխհամագործակցելով արկածային տուրիզմի այլ բնագավառներ ներկայացնող մեր վստահելի գործընկերների հետ, վստահորեն կկազմակերպեն անմոռանալի տպավորություններով լի հանգիստ: Մենք անհամբեր սպասում ենք ձեզ հետ կիսելու մեր արկածների հանդեպ սերը և կիրքը, լինեք միայնակ ճանապարհորդող, թե՛ ընտանիքի հետ և թե՛ աշխատանքային թիմով-հավատացեք՝ խենթ և բազում տպավորությունները երաշխավորվածեն: Պարապլանով տանդեմային թռիչքը լավագույն միջոցն  է առանց նախկինում որևէ թռիչքային փորձ ունենալու վայելել ողջ ընթացքը թռչնի բարձրությունից: Ձեր օդաչուն կհոգա և՛ թռիչքի մեկնարկի, և՛  բուն թռիչքի, և՛ վայրէջքի մասին, իսկ ձեզ մնում է միայն վայելել պահը:

BLACK DIAMOND

Black Diamond–ի պատմությունը սկսվում է 1957թ-ից, երբ 18 ամյա Իվան Չուինարդը ձեռք բերելով դարբնի գործիքներ, սկսեց ինքնուրույն պատրաստել ժայռային կեռիկներ: 1958թ-ին ընկերությունը կոչվում էր Chouinard Equipment, որը տարիների ընթացքում հասնում է մեծ հաջողությունների, իր լավ որակի և գեղեցիկ դիզայնի շնորհիվ: Երկարատև աշխատանքային տարիներից հետո ընկերությունը սնանկ ճանաչվեց: Բայց ընկերության աշխատակիցները չհանձնվեցին և 1 դեկտեմբերի 1989թ-ին նրանք ստորագրում են փաստաթղթեր Black Diamond–ի ստեղծման կապակցությամբ: Այդպես ստեղծվում է Black Diamond ապրանքանիշը, որը արտադրում է որակյալ սարքավորումներ ալպինիզմի համար:

Armenian Travel Club, ATC

“Հայկական Ճամփորդական Ակումբը” ( Armenian Travel Club, ATC)
Զբոսաշրջության Զարգացման Նախագծեր ՍՊԸ-ի պրոդուկտն է։
Այն ինֆորմացիոն հարթակ է՝ Հայաստանի և Արցախի ներքին զբոսաշրջության,
ենթակառուցվածքների և ծառայությունների զարգացմանն ու առաջխաղացմանը
միտված։
Այս հարթակը միավորել է ոլորտի առաջատար մասնագետների՝ զբոսաշրջության
էքսպերտների, զբոսավարների, պատմաբանների, մշակութաբանների և լրագրողների,
ովքեր բարձր մասնագիտական մակարդակում ընթերցողին տրամադրում են ճշգրիտ և
օգտակար տեղեկատվություն։

KONG

TRESPASS