0
Զբոսաշրջային մեծ գազային այրիչ պյեզակրակումով: Նախատեսված է ռեզբային բալոնների հետ օգտագործման համար: Մեծացված կրակի մասնատիչ 69 մմ է` նախատեսված մեծ մակերեսների տաքացման համար:
ԿԱՐԵՎՈՐ Է: Մինչ այն գազային բալոնին միացնելը և կիրառելը ուշադիր կարդացեք հրահանգները: Տվյալ հրահանգավորման պահանջներն անտեսելը կարող է բերել լուրջ վնասվածքների:
ՈՒՇԱԴՐՈՒԹՅՈՒՆ: Վառելիքի այրման ժամանակ օգտագործվում է թթվածին և արտամղվում է ածխածնի օքսիդ: Արգելվում է օգտագործել տվյալ այրիչը վատ օդափոխվող տարածություններում, վրաններում, մեքենաների ներսում և այլ նման վայրերում: Դա կարող է վնասակար լինել կյանքի համար:
ՕԳՏԱԳՈՐԾԵԼ ՄԻԱՅՆ ԲԱՑ ՏԱՐԱԾՈՒԹՅՈՒՆՈՒՄ:
Երբեք մի ծածկեք այրիչը (վառելիքի անոթը) քամուց պաշտպանիչ միջոցներով, քանի որ դա կարող է բերել գերտաքացման, որի հետևանքով կվնասվեն և´ այրիչը, և´ վառելիքի անոթը: Գազային բալոնի և վառելիքի անոթի գերտաքացումը ծայրահեղ վտանգավոր է, քանի որ դա կարող է բերել պայթյունի:
ՏԵՂԵԿՈՒԹՅՈՒՆ ԱՆՎՏԱՆԳՈՒԹՅԱՆ ՄԱՍԻՆ
Այրիչը միացնելուց առաջ համոզվեք, որ օղակային ռետինե ներդիրները վնասված չեն:
Այս առարկան կարող է շահագործվել միայն փակ տարածություններից դուրս: Առարկան պետք է շահագործվի հարթ, ուղիղ, հորիզոնական մակերեսի վրա: Համոզվեք, որ այրիչի շուրջ չկան այրվող նյութեր կամ թափված վառելանյութ: Գազի բալոնը հարկավոր է փոխել միայն բաց տարածությունում, բաց կրակի աղբյուրներից հեռու:
Գազի արտահոսքի դեպքում, երբ զգացվում է բնորոշ հոտ, անմիջապես դուրս բերեք առարկան լավ օդափոխվող տարածք, առանց բաց կրակի աղբյուրների, և միայն այդտեղ փնտրեք արտահոսքի կետը: Այն որոշելու համար օգտագործեք օճառաջուր:
Արգելվում է օգտագործել այրիչը վնասված ամրացնող օղակներով, մեխանիկական վնասվածքներով, առավել ևս վառելիքի աարտահոսքի պարագայում:
Թույլ մի տվեք, որպեսզի եռացող հեղուկը դուրս թափվի տաքացվող կաթսայից: Աշխատող այրիչը մի թողեք առանց ուշադրության: Մի տեղափոխեք և մի պահեք այրիչը գազի բալոնին միացված վիճակում: Ձեռք մի տվեք այրիչի տաքացվող մասերին դրա աշխատանքի ժամանակ կամ անմիջապես անջատելուց հետո: Այրիչը օգտագործեք զգուշորեն, մի կոտրեք և մի գցեք այն:
ԱՅՐԻՉԻ ՄԻԱՑՈՒՄԸ ԵՎ ԱՇԽԱՏԱՆՔԸ
Համոզվեք, որ վառելիքի փոխանցման կարգավորիչը պտտած է մինչև վերջ ժամացույցի սլաքի ուղղությամբ: Բալոնին կցելու ժամանակ վերջինը պահեք ուղղահայաց դիրքով: Այրիչը տեղադրեք գազի բալոնի փականի վրա: Զգուշորեն պտտեք բալոնը այրիչի մեջ` մինչև վերջ անցկացնելով այն օղակային ամրացնող ներդիրի մեջ: Զգուշացեք, որպեսզի չկոտրեք բալոնի ռեզբան: Այն պտտեք միայն ձեռքով:
Համոզվեք, որ բալոնը պտտված է մինչև վերջ: Եթե անհրաժեշտ է իրականացնել գազի հոսքի վերահսկողություն լսողական եղանակով, ապա կատարեք դա միայն բաց տարածությունում: Վառելիքային գծի միացումների հերմետիկությունը մի ստուգեք բաց կրակի միջոցով: Այդ նպատակներով կիրառեք բացառապես օճառաջուր, որը պետք է քսեք վառելիքային շլանգի միացումների հատվածներում: Գազի արտահոսքի բացահայտման պարագայում այրիչի շահագործումը արգելվում է:
Բացեք այրիչի ոտիկները և համոզվեք, որ այրիչը պտտված է վառելիքի անոթի վրա մինչև վերջ: Այրիչը միշտ օգտագործեք հարթ հորիզոնական մակերեսի վրա: Վառելիքի փոխանցման կարագավորիչը պտտեք ժամացույցի սլաքի հակառակ ուղղությամբ և միանգամից վառեք այրիչը` մի քանի անգամ սեղմելով պյեզակրակումը: Կարգավորեք կրակի մեծությունը վառելիքի փոխանցման կարգավորիչով: Շահագործան սկզբում կարող է դիտարկվել անհավասարաչափ այրում: Կրակը միացնելուց հետո այրիչը չպետք է տեղաշարժվի: Շահագործումից հետո համոզվեք, որ վառելիքի փոխանցման կարգավորիչը մինչև վերջ փակված է ժամացույցի սլաքի ուղղությամբ:
Այրիչը բալոնից անջատելուց առաջ անջատեք գազի փոխանցումը և թողեք, որպեսզի այն սառչի: Բալոնը պտտեք ժամացույցի սլաքի հակառակ ուղղությամբ:
Այրիչի շահագործման ժամանակ անհրաժեշտ է համոզվել, որ հեռավորությունը մինչև ցանկացած այրվող առարկաներ բավական է նրա համար, որպեսզի դրանք չայրվեն: Պատերի և առաստաղի նվազագույն հեռավորությունը աշխատող այրիչից պետք է լինի 1000 մմ` ելնելով հակահրդեհային անվտանգության նկատառումներից:
Բալոնի փոխարինում
Ամբողջությամբ փակեք վառելիքի փոխանցման կարգավորիչը: Համոզվեք, որ կրակն ամբողջովին մարել է և կողքերը չկան բաց կրակի աղբյուրներ: Առարկան դուրս հանեք այլ մարդկանցից հեռու: Բալոնը հետ պտտեք կարգավորիչից և օղակային ամրապնդիչի վնասման դեպքում փոխարինեք այն: Բալոնը անջատեք այրիչից զգուշորեն, որպեսզի ռեզբան չվնասվի:
| Բրենդ | Tramp |
|---|
Նյութը` մագնիում-ալյումինային ձուլվածք, չժանգոտող պողպատ
Տեսակը` գազային այրիչ
Քաշը (կգ) 0,102
Չափսերը (սմ) տուփ` 8,5 x 8,5 x 9,5
Չափսերը տուփի մեջ (սմ)` 7,5 x 7,5 x 7,6
Տուփ` այո
Հզորությունը (կՎտ)` 2,8
Վառելիքի սպառումը (գ/ժամ)` 140
Նմանատիպ ապրանքներ
Գազի տաքացուցիչ «Fire Ball»
85,000 AMD
Tramp բալոնի փոխանցիկ
5,000 AMD
